Drama Sunda
“KONTES
DANGDUT”
Diayakeun
Kontes Dangdut sa-Tatar Galuh. Acarana diiklankeun dina poster, surat kabar,
jeungradio. Salahsahiji mojang hayang ngiluan ieu acara.
Adegan 1
Di sakola.
Ade :Aya
naon, nisah? Meni bungah pisan? Maca naon eta teh? Pengumuman?
Anisah :Muhun.
Ieu yeuh aya Kontes Dangdut sa-Tatar Galuh. Ade bade ngiringan?
Ade :Lah…abdi
mah teu aya bakat nyanyi. Sok we atuh Ade ngiringan. Kapanan cita-cita Nisah hoyong
janten penyanyi sanes?
Anisah :Leres pisan.
Ti kapungkur Nisah hoyong pisan ngiringan kontes dangdut. Ieu kasempetan Nisah kanggo
ngahontal cita-cita. Ayeuna abdi bade nyuhunkeun idzin ka kolot.
Ade :Sok lah, didukung
jeung didoakeun ku ade. Cing meunang…cing sukses. Lamun tos terkenal tong hilap
ka abdi nya!
Anisah :Jih…maenya
hilap ka babaturan. Moal atuh. Pokona mah mun abdi sukses Ade bakal ditraktir
jajan baso sawaregna. Hayu ah…bade uih heula. Asalamu’alaikum!
Ade :Walaikumussalam.
Hmmm...boga babaturan, sumangetna luar biasa. Hebat...hebat...
Adegan 2
Di imahna
Ade.
Haji Latif :Naon? Rek
ngiluan kontes dangdut? Astaghfirullohalladziim. Teu...Bapa teu satuju!
Hajah Nuri : Kunaon Bapa teu
satuju? Kapanan eta teh cita-cita anak urang ti leuleutik.
Haji Latif :Cik atuh ari
boga cita-cita teh nu waras...nu bener. Kapanan loba keneh pagawean nuleuwih
mulia, leuwih terhormat, jeung masa depanna jelas. Jadi dokter misalna, guru,
insinyur,atawa pengacara. Ieu mah kalahkah hayang jadi penyanyi dangdut, anu ku
masyarakat dicapmurahan...kampungan. Era atuh. Kapanan Bapa jeung Ibu teh
haji...tokoh masyarakat. Naha Ibu narima lamun budak urang engkena dianggap
awewe baong…murahan…kampungan? Pokonamah Bapa teu satuju.
Anisah :Tapi Anisah
hoyong ngiringan, Pa…
Hajah Nuri :Tos we, Pa,
urang dukung kahayang budak urang!
Haji Latif :Pokona Bapa
teu satuju! Teu satuju! Titik!
Anisah : Sanajan Bapa
teu ngidinan Anisah tetep bade daftar...bade ngiringan.
Haji Latif :Ngalawan maneh
ka kolot?
Anisah :Sanes ngalawan
pa, tapi…
Haji Latif :Lamun maneh
teu nurut ka kolot, indit siah ti imah ieu. Aing teu sudi boga budak jadi penyanyi
dangdut...
Hajah Nuri :Pa…ulah nyarios
kitu!
Haji Latif :Indit siah!!!
(Anisah indit kaluar imahna)
Hajah Nuri :Nisahhh...Pa...Pa...budak
urang rek indit kamana?
Haji Latif :Keun wae!
Antepkeun! Matakna ulah sok diogo teuing boga budak teh! Jadina wani ngalawan
ka kolot.
(Anisah
kaluar ti imahna, disaksian ku indungna, leumpang euweuh tujuan. Sajajalan
ceurik balilihan.)
Adegan 3
Di pengkolan
jalan lembur.
Entis :Mabuk
lagi…ah…mabuk lagi…judi lagi…ah…judi lagi…
Holik :Heup…heup! Nu
baleg atuh nyanyi teh! Fales pisan maneh mah. Teu ngeunah kadengena.
Entis :Eh..maneh
ulah ngagangu kasenengan sayah atuh, kapanan urang teh keur ma…bok!
Agus :Heueuh…mabok
sih mabok, tapi ari nyanyi mah nu bener. Ieu mah musik ka kaler…sora kakidul.
Teu nyambung, Man...teu nyambung...
Entis :Maneh
ngahina ka sayah?
Irfan :Naha maneh
mah bet emosi, pira oge diomongan sakitu. Kritik ini mah…kritik, Man.
Entis :Tapi kuring
teu ngeunah ku omongan maneh. Ngahina kitu mah.
Anggi :Geus…geus
montong parasea! Kapananan urang teh frend lain? Peace…peace! (Nenjo Anisah leumpang
lebah pengkolan). Hey barudak, itu aya Si Anisah. Urang heureuyan yu!
Holik :Lah silaing
mah, teu kaop nenjo awewe.
Anggi :Hai Nisah, bade
kamana? (Bari nyampeurkeun).
Anisah :Kumaha urang
we.
Agus :Wah...Anisah
makin cantik aja nich. Ameng yu jeung akang!
Anisah :Iiih...teu
sudi teuing! Barau alkohol akang mah.
Irfan :Wah
kabeneran yeuh, urang bawa we ka saung tengah sawah, urang gawean.
(Ngaharewoska batur-baturna).
Entis :Digawean
kumaha euy?
irfan :Lah silaing
mah, maenya teu ngarti. Kasempetan euy, meungpeung manehna keur indit tiimah.
Holik :Hayu atuh.
Ngan sakali sewang nya! (Ngarawel leungeun Ade).
Anisah : Iiih kurang
ajar pisan. Lepaskeun siah!Tulung…tulung…tulung! (Kabeneran aya Kades Cepi jeung
Hansip Isan).
Kades Cepi :Aya naon ieu teh?
Anisah :Tulung…tulungan
abdi pa…bade diperkosa.
Kades Cepi :Saha nu rek
diperkosa teh?
Anisah :Abdi
pa...abdi. Abdi bade diperkosa.
Hansip Isan :Saha nu rek
merkosana? Mana…mana? dibabuk ku sayah.
Anisah :Ieu pa (Nunjuk
ka pamuda).
Hansip Isan :Maraneh rek
merkosa Si Anisah?!
Pamuda :Henteu,
Pa…henteu. Kita mah cuman heureuy pa. Swear!
Kades Cepi :Kurang ajar siah!
Maraneh wani-wani nyieun masalah di wilayah sayah? Ngerakeun pisan siah.
Hansip!
Hansip Isan :Siap Pa!
Laksanakan!
Kades Cepi :Laksanakeun naon?
Sayah can mere parentah.
Hansip Isan :Muhun...siap
melaksanakan perintah, Pa.
Kades Cepi :Bawa ieu pamuda
ka bale desa! Teangan kolot-kolotna! Ini mah termasuk tindakan kriminal…perkosaan...perkosaan
deuleu! Bahaya...bahaya!
Hansip Isan :Siap Pa!
(Ngagiringkeun pamuda, dituturkeun ku Kades Cepi).
Pamuda :Ampun…ampun…ampun
Pa! Moal sakali-kali deui.
Kades Cepi :Montong loba
omong siah. Tah ieu akibat pangaruh minuman keras jeung narkobateh. Leungit
kasadaran akibat marabok. Omat penonton, ulah nurutan kalakuan barudak jiga
kieu.Ingat! Jauhi minuman keras jeung narkoba! Waspadalah...waspadalah!
Adegan 4
Di Bale
Desa.
Bu Dewi :Mana budak urang
teh. Kurang ajar siah. Mabok jeung mabok we pagawean teh.(Ngagebugan Si Entis
ku sapu).
Entis :Ampun,
Ma...ampun!
Bu Dewi :Ngerakeun aing
siah. Dasar budak kurang ajar. (Bari terus ngagebugan Si Entis).
Kades Cepi :Sabar, Bu...sabar!
Janten kieu ieu teh... (Jol Bu Nuraeni).
Bu Nuraeni :Mana Si Anggi?
Cing kalakuan teh ulah jiga sato maneh teh. Maenya rek merkosa?(Ngajewer ceuli
Si Anggi).
Anggi :Ampun,
Mah...ampun.
Kades Cepi :Tenang,
Bu...tenang. kamana kolotna Si Holik trus si Agus jeung Si Irfan?
Hansip Isan :Teu araya, Pa.
Nuju di sawah.
Hansip Cepi :Keun we atuh.
Jadi kieu Ibu-ibu. Cing boga budak teh perhatikeun. Warah cing bener ameh teu
baraong. Ieu teh akibat kurang perhatian ti kolot. Barudak jadi kacanduan
kuminuman keras jeung narkoba. Bahaya nu kieu teh. Bisa ngaruksak moral
generasi bangsa. Omat ulah sakali-kali deui maraneh nyieun masalah di lembur
ieu!
Entis :Muhun, Pa.
Abdi kapok.
Agus :Moal
sakali-kali deui, Pa.
Irfan :Tobat,
Pa...tobat.
Holik :Swear, Pa...swear!
Kades Cepi :Heug atuh ari
geus insyaf mah. Ku sayah dihampura. Jadi masalah ieu geus beres teu kudu
ngalibatkeun polisi. Alus...alus ari maraneh geus tobat mah. Ke...ke...ari neng
Anisah ayeuna bade teras kamana?
Anisah :bade ngiringan
kontes dangdut ka kota, Pa.
Hansip Isan :Wah...hebat atuh.
Kita dukung.
Kades Cepi :Luar biasa! Bapa
bangga warga urang sapertos Neng Anisah boga potensi di bidang seni. Sok, Bapa didukung 100%. Bapa bakal ngerahkeun
warga desa ka kota nyuporteran Neng Anisah.
Ade :hatur nuhun,
Pa.
Adegan 5
Di tempat
Kontes Dangdut.Ade ngiluan Kontes Dangdut sa-Tatar Galuh. Pesertana aya 75
urang.
MC Wulan :Nah para hadirin,
seteleh kita tampilkan 70 peserta, kita akan saksikan penampilan peserta dengan
nomer undian 72 atas nama Rita Daratista. Selamat menyaksikan!
(Rita Loba
gaya, nyanyi teu nyambung, fales, ku panonton dibaledogan, disurakan
teuraresepeun).
MC Eka :Penonton harap
tenang! Acara kita lanjutkan kembali! Selanjutnya kita saksikan penampilan dari
peserta nomer 73 atas nama Henti Sukaesih!
(Henti Geumpeur,
teu nyanyi nyanyi, ku panonton disurakan).
MC Wulan :Selanjutnya kita
saksikan penampilan dari peserta nomer 74 atas nama Nina Melinda!
(NinaCeurik,
teu daekeun nyanyi, ku indungna dicarekan dipaksa titah nyanyi).
Bu Hindun :Burukeun
nyanyi…kan ku mamah geus dilatih di imah.
Nina :Alim
mah…alim…abdi mah teu tiasa nyanyi. Abdi mah hoyong janten dokter.
Bu Hindun :Dasar ngerakeun
maneh mah. Peupeuriheun kuring mah ngiluan kontes eleh wae, atuhmaneh ayeuna
nyobaan. Hayu balik siah (ngajewer budakna, penonton nyurakan).
MC Eka :Selanjutnya akan
kita saksikan penampilan terakhir dari Kontes Dangdut ini. Kita sambut,peserta
nomer undian 75 atas nama Anisah Anjarwati.
Anisah :Nyanyi, alus
pisan, panonton heboh.
MC Wulan :Berdasarkan
keputusan Dewan Juri dan tidak bisa diganggu gugat, maka JuaraKontes Dangdut sa-Tatar
Galuh Tahun 2012 ini yaitu peserta dengan nomer undian 75, yaitu saudari Anisah.
Tepuk tangan untuk sang juara! (Penonton tepuk tangan, nyaralaman ka Anisah).
Haji Latif :Hampura Bapa
Nisah, Bapa rumasa salah, Bapa karek sadar yen jalan hirup maneh memang kudu
jadi penyanyi dangdut.
Anisah :Hatur nuhun
Pa, Bapa tos ngadukung kana cita-cita abdi. Insya Alloh abdi bakal jadi penyanyi
anu professional, terhormat.
Haji Latif :Sok ayeuna mah
didukung ku Bapa. Didoakeun cing sukses
Tidak ada komentar:
Posting Komentar